ფეხსაცმლის მოვლისა და შენახვის წესები

წვიმა და თოვლი უარყოფითად მოქმედებს ფეხსაცმელზე. საინტერესოა, როგორ უნდა მოვუაროთ ფეხსაცმელს ამ პერიოდში. სპეციალისტები რამდენიმე რჩევას გვთავაზობენ.

მათ შორის კი ერთ-ერთი მთავარია: ფეხსაცმლის მოსავლელი საშუალების შეძენისას ყურადღებით წაიკითხეთ ინსტრუქცია და შეარჩიეთ იმ ხარისხის ტყავისთვის გათვალისწინებული, რომლითაც თქვენი ფეხსაცმელია შეკერილი.

პირველადი დაცვა. ნებისმიერი მასალის ფეხსაცმლის მოვლა ჯერ კიდევ მაშინ უნდა დაიწყოთ, ვიდრე მასში გამოწყობილი პირველად გახვალთ სახლიდან. ფეხსაცმელს სპეციალური ხსნარი უნდა წაუსვათ. ის ფეხსაცმელს ღრმა დაბინძურებისგან დაიცავს. ხსნარი ღრმად აღწევს მასალის ფორებში და ქმნის ერთგვარ დამცავ გარსს, რომელიც ჭუჭყს ღრმად შეღწევის საშუალებას არ აძლევს და ფეხსაცმელი წყლითაც ნაკლებად იჟღინთება.

დატენიანება. ნებისმიერი ტყ­ა­ვისთვის აუცილებელია დატენიანება. წინააღმდეგ შემთხვევაში, ის შეიძლება გამოშრეს და დასკდეს. უმჯობესია გამოიყენოთ საშუალება, რომელიც ბუნებრივ კომპონენტებს შეიცავს. მაგალითად, ზოგიერთი ფირმა აწარმოებს ფეხსაცმლის კრემებსა და ლოსიონებს, რომელთა შემადგენლობაში შედის ჟოჟობას ზეთი. მისი დამატენიანებელი თვისებები ფართოდაა ცნობილი და მას კოსმეტოლოგიაშიც ხშირად იყენებენ. ის ბზინვარებას ანიჭებს და პირვანდელ ფერს უნარჩუნებს მასალას.

გაწმენდა. ფეხსაცმელი ქუჩაში ყოველი გასვლის შემდეგ უნდა გაიწმინდოს. თავდაპირველად ზედაპირიდან ფრთხილად მოაშორეთ მტვერი თუ ტალახი. შემდეგ გამოიყენეთ ფეხსაცმლის საწმენდი ქაფი, მას ნაზი სტრუქტურა აქვს და ნაკლებად აზიანებს მასალას. გასაწმენდად ნუ გამოიყენებთ უხეშ ჯაგრისს, მას ტყავის დაზიანება შეუძლია.

გაპრიალება.
 ფეხსაცმელი რომ მოვლილად გამოიყურებოდეს, ნუ დაივიწყებთ მის გაპრიალებას. გლუვი ან ლაქირებული ტყავისთვის რბილი ქსოვილის ნაჭერი გამოიყენეთ. ზამშისთვის სხვა წესი არსებობს: გაწმენდის შემდეგ ზამშის ხაო მსუბუქად უნდა “აიჩეჩოს” სპეციალური ჯაგრისით.

როგორ შევინახოთ? სეზონის ბოლოს ფეხსაცმელი უნდა გაწმინდოთ, წაუსვათ კრემი და ფეხსაცმლისთვის განკუთვნილი სპეციალური დეზოდორანტით დაამუშავოთ. შენახვისას ფეხსაცმელმა ფორმა რომ არ დაკარგოს, სპეციალური კალაპოტი უნდა გამოიყენოთ. რა თქმა უნდა, სათანადო ზომისა და ფორმის უნდა შეარჩიოთ. უმჯობესია, ხის იყოს, რადგან ის შეიწოვს ნესტს და ხელს უშლის კონდენსატის წარმოქმნას. ქალისა და მამაკაცის ფეხსაცმლის კალაპოტი სხვადასხვაა.

FACEBOOK კომენტარები


35%
წაგება
25%
წაგება
10%
წაგება
წაგება
5%
წაგება
წაგება
15%
20%
გამოიყენე შანსი და მოიგე პრიზი!
ჩაწერეთ თქვენი ელექტრონული ფოსტა, დაატრიალე სასაჩუქრე წრე და მოიგე დიდი ფასდაკლება!
სასაჩუქრე წრის წესები:
  • ერთი თამაში ერთ ელექტრონულ ფოსტაზე.
  • დატრიალებიდან 3 დღეში შეგიძლიათ ხელახლა დაატრიალოთ წრე, მაგრამ არა იგივე ელექტრონული ფოსტით.